TIRANË– Kryetari i Partisë Demokratike Sali Berisha është shprehur se revolucioni vazhdon. Gjatë fjalës së tij para protestuesve para Kryeministrisë kreu i PD deklaroi se revolucioni do të vazhdojë për të ja shkurtuar ditët e qeverisjes kryeministrit Edi Rama.
Sali Berisha: Kemi ardhur të përgatitur për betejë dhe ne jemi në betejë. Thirrja ime është të shndërrohemi në qytarë të revoltuar protestues, të vijiojmë revolucionin tonë deri në fitore. Thirrja ime është cdo ditë, të bëjmë gjithcka për t’i shkurtuar jetën këtij regjimi. Edi Rama, regjimi i tij duhet përmbysur një ditë e më parë. Ju siguroj se PD nuk synon gjë tjetër, se opozita nuk ka qëllim tjetër përvec se të përmbysë monizmin, të clirojë shqiptarët nga ky monizëm i egër i shëmtuar, represiv, e ti japë përgjgjen më të shpejtë kësaj krize lubi që po përpin qenien e shqiptarëve. Ju garantoj se në aktet e para pas përmbysjes së këtij regjimi do të jetë dyfishimi i rrogave.
