TIRANË– Tre persona kanë rënë në prangat e policisë së Tiranës pasi akuzohen se kanë hedhur molotov, flakadanë dhe tymuese në dyert e Kryeministrisë. Pas përfundimit të protestës mësohet se efektivët e policisë kanë shoqëruar në komisariat tre protestuesit të cilët në këtë momnet po merren në pyetje.
Protesta e opozitës zgjati rreth tre orë dhe si pikën e saj kulmore kishte grumbullimin e njerëzve para selisë së Kryeministrisë ku dhe mbajti fjalimin kreu i PD Sali Berisha. Pas fjalimit të tij ai i ftoi qytetarët që të hënën në orën 15:00 të mblidhen tek Parlamentit, ditë që do të zhvillohet edhe seanca e radhës. Ndërkohë ashtu siç dhe ishte njoftuar për të papritura kreu i PD nisi një marshim drejt disa institucioneve që nisnin nga Parlamenti, ministria e Brendshme, bashkia e Tiranës dhe tek Partia Socialiste ku bëri disa deklarata.
