DURRËS- Një plagosje me thikë është shënuar mesditën e kësaj të shtune në lagjen nr.17 në Durrës. Bëhet me dije se i plagosur ka mbetur një i ri, i cili është transportuar me urgjencë në spital.
Mësohet se mjeti prerës i ka shkaktuar plagë të shumta në gjoks të riut, dhe është futur menjëherë në sallën e operacionit. Ndërkohë që ende nuk dihen detaje lidhur me gjendjen e tij shëndetësore. Policia e Shtetit ka nisur hetimet, por ende nuk dihet se kush është personi që ka plagosur të riun, i cili ende nuk është identifikuar.
