DURRËS- Një plagosje me thikë është regjistruar në Durrës. Raportohet se 66-vjeçar i identifikuar me inicialet R.Sh ka goditur me biçak një 52-vjeçar të identifikuar me iniciale A.A. Ngjarja ka ndodhur pas një sherri për motive të dobëta. Mësohet se i plagosuri është dërguar në spital ku ndodhet nën kujdesin e bluzave të bardha dhe jashtë rrezikut për jetën.
NJOFTIMI I POLICISË:
Durrës Specialistët për Hetimin e Krimeve në Komisariatin e Policisë Durrës proceduan penalisht, në gjendje të lirë, shtetasin R. Sh., 66 vjeç, banues në Dushk, Lushnjë, për veprën penale “Plagosja e lehtë me dashje”. 66-vjeçari dyshohet se pas një konflikti për motive të dobëta, në lagjen nr. 12, Durrës, ka goditur me mjet prerës (biçak), shtetasin A. A., 52 vjeç, banues në Durrës, i cili pas mjekimit në Spitalin Rajonal Durrës, u largua në banesë. Materialet i kaluan Prokurorisë, për veprime të mëtejshme procedurale.
