DURRËS- Një aksident është regjistruar paraditen e kësaj të diele në Durrës, ku bëhet me dije një automjet ka përplasur një të mitur, e cila ka qenë duke kaluar rrugën. Sipas policisë, autori i ngjarjes është larguar menjëherë nga vendi i aksidentit dhe po punohet për kapjen dhe vënien në pranga të tij/saj.
NJOFTIMI I POLICISË:
Një vajzë ka mbetur e plagosur pasi u përplas nga një automjet paraditen e sotme në Durrës.
Rreth orës 10;50, në lagjen nr.15 Durrës, një automjet i paidentifikuar ka përplasur këmbësoren shtetasen e mitur D. D, e cila ndodhet nën kujdesin e mjekëve.
Shërbimet e Policisë po bëjnë krehjen e zonës për të bërë të mundur identifikimin e autorit/ es.
