SARANDË– Qytetarët e Sarandës janë zgjuar të tronditur ditën e sotme pas shpërthimit të fuqishëm ku u hodh në erë dhe u shemb i gjithi hotel “Bizanti”. Duke folur për mediat qytetarët sarandiotë shprehen se shpërthimi ishte i fuqishëm sa u duk sikur ra tërmet pasi pallati filloi të tundet. Një nga banoret u shpreh se ishte gati të hidhej nga ballkoni për shkak të panikut pasi kishte menduar se kemi të bëjmë me tërmet.
“Thashë se qe tërmet, po shpëtuam. Kemi shtëpinë e kunatit dhe djalit këtu, por shyqyr nuk ka dëme. Dyqanin këtu e ka me qira një nga Tirana dhe e lajmëruam që të vinte”, tha banorja për Report Tv.
“Ç’faj kemi ne them se na tronditën dhe bukën s’na lanë të hamë. Thamë se ra pallati, thamë se u fundos në tokë. Isha zgjuar që në 05:30 dhe rrija. Deri tani nuk kam marrë frymë, mezi shkova të marr bukë që të pi ilacet. Jemi të sëmurë e nuk mbledhim dot veten. Tërmet nuk e mendova, dukej që ishte shpërthim. Në momentin e parë dola në ballkon dhe thashë të hidhesha nga ballkoni”, tha një tjetër banore.
“E dëgjuam. Ishte shumë i madh. Ne thamë se gjëmoi,”- shtoi një banore.
“Ishte shumë i fuqishëm. Shpërthim i padëgjuar ndonjëherë. U trembëm, u ngritëm, dolëm, s’kishte gjë. Jemi të rrezikuar se ka dëme plot,”- tha një banor më tej.
Ngjarja e rëndë është regjistruar pak para orës 06:00 të mëngjesit. Deri më trani raportohet se një sasi prej 30 kg dinamiti të jetë vendosur në hotel “Bizanti” duke shkaktuar një shpërthim të fuqishëm dhe shembjen totale të tij. Për shkak të shpërthimit të fuqishëm janë dëmtuar dhe 30 banesa dhe biznese në një distancë prej 300 metrash nga vendi ku ndodhi shpërthimi ndërkohë bulevardi kryesor ka ende porobleme në qarkullim pasi xhamat dhe inertet kanë dalë në rrugë si pasojë e shpërthimit. Në lidhje me ngjarjen policia ka nisur shoqërimet një prej të shoqëruarve është dhe djali i një prej bashkëpronarëve Spiro Çabiri. Shkak për ngjarjen e rëndë dyshohet të jetë bërë një problem pronësie mes ty bashkëpronarëve Spiro Çabiri dhe Dhimitër Evangjeliu, të cilët që nga viti 20022 enden dyerve të gjykatave për të zgjidhur problemet e bashkëpronësisë së hotelit.
