Bashkimi Evropian ka kërcënuar Elon Musk me ndalimin e Twitter-it në vendet e unionit nëse miliarderi nuk respekton rregullat e tij strikte për moderimin e përmbajtjes, duke krijuar një betejë rregullatore mbi të ardhmen e platformës së mediave sociale. Shefi i industrisë së BE-së Thierry Breton e bëri kërcënimin gjatë një takimi me video me Musk të mërkurën, raportoi FT, duke cituar njerëz me njohuri për bisedën.
Breton i tha Musk se ai duhet t’i përmbahet një liste kontrolli rregullash, duke përfshirë heqjen e një qasjeje “arbitrare” për rivendosjen e përdoruesve të ndaluar dhe duke rënë dakord për një “auditim të gjerë të pavarur” të platformës deri vitin e ardhshëm.
Breton i kishte kërkuar më parë Musk-ut që të respektonte rregullat e BE-së kundër gjuhës së urrejtjes dhe dezinformimit në internet. Komente të ngjashme kishte shprehur edhe shefi i drejtësisë i Komisionit Evropian, Didier Reynders.
