TIRANË– Kërkesa e deputetes socialiste Anila Denaj për përjashtimin e Sali Berishës me afat maksimal nga punimet e Kuvendit ka “nxehur” debatin në sallë. Ka qenë deputetja e Partisë së Lirisë Monika Kryemadhi ajo që ka reaguar ashpër pas këtij veprimi. Sipas saj nuk ka pasur asnjë shkelje nga Sali Berisha ndërsa ka deklaruar se kreu i qeverisë është një “dhjaks” që sipas saj ka mbushur brekiët pas skandalit të ish-agjentit të FBI-së Charles McGonigal. Dhe deputetja e Partisë Demokratike Merita Bakiu është shprehur kundër këtij veprimi.
Monika Kryemadhi: Përdorimi politikisht dhe të gënjesh kaq hapur, më vjen keq që Anila ka marrë përsipër një gjë të tillë. Të gjithë e dinë xhentilesën e Berishës ndaj grave. Mos u përdorni në mënyrë primitive. Ai zotëria shqyhet për dhunë fizikë dhe verbale ndaj grave. Tërhiqeni atë gjë se është e turpshme. Ti nuk më ke dhënë të drejtën e fjalës. E di që jeni në presion të madh. E di që jemi në presion nga McGonigal. Të gjithë aty do të dalin, por të zbatojmë rregullin në parlament. Ai nuk vjen se është dhjaks, i mbush brekët, por mos u bëni jashtëqitja e tij se është turp.
Merita Bakiu: Thotë që ka marrë një vendim, unë kam qenë e pranishme në seancë dhe nuk do të kursehem asnjëherë nëse do të përdorej gjuhë fyesë. Nuk kemi parë një gjuhë lincuese të tillë e më vjen keq që nuk e kanë kërkuar mbledhjen e Aleancës së Grave. Ne nuk e pranojmë ankesën e grave socialiste.
