TIRANË– Po vijon me tensione dhe debate të forta seanca plenare. Pasi kryeparlamentarja i ndërpreu fjalën deputeti demokrat Flamur Noka ka nisur ti fryjë bilbilit duke mos lejuar deputetët socialistë për të folur. Gjatë momentit që deputeti i PS Toni Gogu po fliste Noka iu afrua afër dhe nuk e linte të fliste duke i fryrë bilbilit.
Debati:
Flamur Noka: Më jep fjalën moj.
Lindita Nikolla: Të të vijë turp zoti Noka për sjelljen. Të tërheq vëmendjen.
Toni Gogu: Ky zotëria që i bie bilbilit bëri sikur mbajti zi për viktimat e tërmetit. Shpirtrat e shqiptarëve e kuptojnë ç’do të thotë tërmet, vetëm ky nuk e kupton se është burrë i frustruar nga drejtësia. Po i vjen ora e drejtësisë prandaj bën kështu. Fjalën nuk ma ke dhënë ti, shko ulu atje. Këtu ka burra të frustruar nga drejtësia.
Lindita Nikolla: Po më detyroni të marr masa zoti Noka
Flamur Noka: Vazhdo me masat ti…Tërmeti McGonigal.
Toni Gogu: Ky zotëria kur binte tërmeti ishte duke mallkuar zjarrfikët dhe njerëzit që shpëtonin jetë.
Lindita Nikolla: Kërkoj 5 minuta pushim dhe ju lutem thirrni arsyes.
