TIRANË– Një 27-vjeçar i identifikuar me inicialet K.L është arrestuar në flagrancë nga policia e Tiranës në tentativë për të vjedhur një makinë në rrugën “muhamet Deliu”. I riu u kap me një pincë multifunksionale me të cilën dyshohet se ka tentuar të vjedhë këtë automjet.
NJOFTIMI I POLICISË:
Specialistët për Hetimin e Krimeve në Komisariatin e Policisë Nr. 4 arrestuan shtetasin K. L., 27 vjeç, banues në Tiranë, pasi ka tentuar të vjedhë një automjet në rrugën “Muhamet Deliu”. Gjatë kontrollit fizik të 27-vjeçarit, iu gjet dhe iu sekuestrua një pincë multifunksionale me të cilën dyshohet se ka tentuar të vjedhë këtë automjet.
