TIRANË– Kjo e martë ka regjistruar një “boom” arrestimesh në Tiranë. Raportohet se tetë persona kanë rënë në pranga pasi akuzohen për vepra të mdryshme penale. Raportohet se një 331vjeçar i identifikuar me inicialet A.M është vënë nën hetim pasi dyshohet se ka ngacmuar seksualisht një të mitur. Ndërkohë 2 personave të shpallur në kërkim tregëtim i mallrave kontrabandë si dhe falsifikim i pasaportave. Ndërsa 2 të tjerë të janë vënë në pranga për lëndë narkotike kokainë dhe kanabis.
NJOFTIMI I POLICISË:
Tiranë/Vihen në pranga 9 shtetas, procedohen në gjendje të lirë 2 shtetas dhe shpallet në kërkim një tjetër, për vepra të ndryshme penale. Specialistët e Seksionit për Hetimin e Krimit Ekonomik dhe Financiar ndaluan shtetasit: – T. T., 26 vjeç, banues në Tiranë, pasi Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprën penale “Tregtimi dhe transportimi i mallrave që janë kontrabandë”; – M. L., 37 vjeç, pasi Gjykata e Rrethit Gjyqësor Tiranë e ka dënuar me 6 muaj burgim, për veprat penale “Falsifikimi i dokumenteve” dhe “Falsifikimi i pasaportave, letërnjoftimeve ose vizave”, të kryera në bashkëpunim.
Specialistët e Seksionit për Hetimin e Narkotikëve arrestuan shtetasin E. P., 37 vjeç, banues në Tiranë, pasi gjatë kontrollit në automjetin që ky shtetas drejtonte, iu gjet dhe iu sekuestrua në cilësinë e provës materiale, një sasi e vogël lënde e dyshuar narkotike kokainë. Specialistët e Qarkullimit Rrugor arrestuan shtetasit: – E. M., 25 vjeç, banues në Tiranë, pasi u kap duke drejtuar automjetin, pa leje drejtimi; – S. K., 56 vjeç, pasi duke drejtuar automjetin, në gjendje të dehur, ka goditur një automjet tjetër dhe për pasojë, ka shkaktuar vetëm dëme materiale; – J. I., 48 vjeç, E. D., 33 vjeç, E. M., 26 vjeç, të tre banues në Tiranë, pasi u kapën duke drejtuar automjetin përkatës, në gjendje të dehur; – B. B., 26 vjeç, banues në Kamzë, pasi është konstatuar duke drejtuar automjetin, në mënyrë të parregullt dhe sapo ka parë shërbimet e Policisë, ka hedhur në tokë, një qese me lëndë të dyshuar narkotike. Gjithashtu ky shtetas nuk i është bindur urdhrave të punonjësve të Policisë, për kryerjen e veprimeve procedurale.
—
Specialistët për Hetimin e Krimeve në Komisariatin e Policisë Vorë referuan materialet në Prokurori dhe nisi procedimi në gjendje të lirë për shtetasin A. M., 33 vjeç, pasi dyshohet se ka ngacmuar seksualisht, me fjalë, një shtetase të mitur.
