TIRANË– Ish-ministri i Mjedisit Lefter Koka kërkuar sërish një masë më të butë sigurie me arsyetimin e problemeve shëndetësore. Në kërkesën e depozituar në Gjykatën e Lartë, Koka kërkon të dalë nga qelia me masë më të butë sigurie me argumentin se ka probleme shëndetësore. Kërkesa e ish-ministrit është marrë dhe do të shqyrtohet më datë 16 shkurt nga gjyqtari Mehdi Bici.
Ish-ministri Lefter Koka është nën dy masa sigurie “arresti me burg”për inceneratorin e Fierit dhe atë të Elbasanit. I arrestuar gjithashtu është edhe ish-deputeti i PS, ish-sekretar i Përgjithshëm i ministrisë së Mjedisit, Alqi Bllako. Ai akuzohet për “shpërdorim detyre”, “pastrim parash” dhe “korrupsion”. Hetimet për inceneratorin e Elbasanit janë të parat që përfundojnë nga SPAK, teksa në proces përfundimtar është edhe ai i Fierit.
