SARANDË– Prokuroria e Sarandës ka lëshuar këtë të martë një urdhër arresti për Spiro Çabirin, një nga bashkëpronarët e hotel “Bizanti” djali i të cilit akuzohet se i ka vendosur 30 kg dinamit hotelit duke e rrafshuar si shenjë hakmarrje ndaj vendimit të gjykatës, e cila u la vetëm 5% të pronësisë së hotelit dhe 95% grekut Dhimitër Evangjeliu. Organi i akuzës dyshon se Spiro Çabiri ka qenë në dijeni të planifikimit të këtij shpërthimi. 36-vjeçari Sotir Çabiri u filmua nga kamerat e sigurisë duke dalë nga hoteli pasi kishte instaluar dinamitin dhe u arrestua një ditë pas ngjarjes.
Ngjarja e rëndë është regjistruar ditën e djeshme pak para orës 06:00 të mëngjesit. Deri më trani raportohet se një sasi prej 30 kg dinamiti të jetë vendosur në hotel “Bizanti” duke shkaktuar një shpërthim të fuqishëm dhe shembjen totale të tij. Për shkak të shpërthimit të fuqishëm janë dëmtuar dhe 30 banesa dhe biznese në një distancë prej 300 metrash nga vendi ku ndodhi shpërthimi. Shkak për ngjarjen e rëndë dyshohet të jetë bërë një problem pronësie mes ty bashkëpronarëve Spiro Çabiri dhe Dhimitër Evangjeliu, të cilët që nga viti 20022 enden dyerve të gjykatave për të zgjidhur problemet e bashkëpronësisë së hotelit. Gjykata vendosi ti lërë Evangjeliut 95% të pronësisë dhe 5% Çabirit.
