TIRANË- Gjykata e Tiranës ka vendosur masën arrest me burg për Ergys Ahmetjan, ndërsa burg me afat 30 ditor për dy të arrestuarit e tjerë, Andi Basha e Gëzim Kusi, pjesë e grupit të gjobvënësve të bizneseve që shtireshin si zyrtarë të lartë në Tiranë. Ata ranë në pranga ditën e djeshme për zhvatje të bizneseve. Gazetarja e Report Tv, Keti Banushi ka siguruar dosjen e tri të rinjve, 21, 18 dhe 19 vjeç të cilët përdornin emrin e kreut të kadastrës, Artan Lames për t’u kamufluar si zyrtarë të lartë.
Në denoncmimin e bërë nga E.Ç., ai shprehet se tre mashtruesit përdornin emrin e Artan Lames dhe se i kërkuan 40 mijë euro.
Kalllëzuesi thotë se është takuar me Andi Bashën (i arrestuar), i cili i ka thënë se do shkonte ta takonte për porosinë e Tanit për 40 mijë euro. Kur bizneset nuk bindeshin, gjobat merreshin edhe me presion, duke përmendur fisin e Bajrave të Shkodrës.
Bisedat, tri mashtruesit i kryenin në app SnapChat dhe ku përdorej emri i Artan Lames.
“Shko aty dhe fol i qetë, thuaj më ka dërguar Artani për atë porosinë, jam këtu”. Andi i thotë sa kam për të marrë, ndërsa Gers Kusi i thotë 40.000 euro. Gersi i përgjigjet që është një i Bajrave nga Shkodra që i vendos. Do ti thotë MRSH-ja. Është shumë killer ai, vë shumë gjoba në Shqipëri. Në bisedë e sipër Andi i thotë po këto shkodranët, Gersi i thotë që 3000 i merr ai që vjen nga 40.000 domethënë Andi. Kallëzuesi thotë se ka pyetur Andin se kush e ka dërguar dhe i ka thënë se Gers Kusin e ka shok por pas këtij është Ergys Ahmetaj. Biseda këto të dokumentara me procesverbalin e kqyrjes së celularit të shtetasit Erlad Çaushi”, thuhet në dosjen e siguruar nga Report Tv.
Si nisi skema e zhvatjes së biznesit të E.Ç., (SKEMA)
Gjithçka nisi me Florian Gjinin, i cili është i shpallur në kërkim për mashtrim (i përfshirë edhe në gjobvënien në biznesin e Pëllumb Salilllarit.
Floriani, i cili njihej prej 4 muajsh (sipas dëshmisë së Ergys Ahmeta) kishte ardhur në Tiranë dhe ishte takuar fillimisht me këtë të fundit, më pas i kishte shkruar që t’i gjente një person që do i merrte një porosi dhe do ja çonte në vendin ku ndodhej ai, që në këtë rast ishin 40 mijë eurot.
Në këmbim, sipas dëshmisë së Ergysit, Floriani kishte premtuar 500 euro. Këtu nis dhe përfshirja e Gëzim Kusit dhe Andi Bashës. Gëzim Kusi i cili ishte mik me Ergysin nuk e pranoi fillimisht dhe i sugjeroi Andi Bashën, i cili e pranoi ofertën.
Kujtojmë se tre të rinjtë u arrestuan ditën e djeshme. Atyre iu sekuestruan 89 400 euro në banesat e tyre dhe aparatet celularë. I shpallur në kërkim është edhe Florian Gjini i cili ka qenë i përfshirë edhe në mashtrimin e Pëllumb Salillarin./ SHQIPTARJA
