SHKODËR– Drejtori i Spitalit Rajonal Shkodër Senad Hallunaj ka reaguar pas deklaratave të bëra nga fqinjët e të ndjerit Nasuf Kapllanaj, i cili u shkrumbua mbrëmjen e djeshme brenda banesës së tij, e cila u përfshi nga flakët. Në një prononcim për mediat fqinjët deklaruan se ambulanca erdhi me vonesë. Në një deklaratë për media Senad Hallunaj ka shpjeguar protokollin që ndiqet në raste të tilla. Ai shprehet se është ambulanca është lajmëruar nga zjarrfikësja për ngjarjen dhe se kanë shkuar në vendin e ngjarjes, vetëm 7 minuta pasi janë telefonuar. Më pas thotë ai duke pasur parasysh ngjarjen është nisur dhe një autoambulanca tjetër. Zonja është transportuar menjëherë në spital sipas Hallunajt ndërsa bashkëshorti është nxjerrë i shkrumbuar dhe autoambulanca ka pritur në vendin e ngjarjes derisa zjarrfikësit kanë nxjerrë trupin.
Senad Hallunaj: Ngjarja ka ndodhur rreth orës 22:45, njoftimi ka qenë në orën 22:46. Zjarrfikëset kanë lajmëruar urgjencën. Rreth 7 minuta nga njoftimi që ka marrë nga zjarrfikësja, ambulanca ka mbërritur për 7 minuta. Heronjtë e zjarrfikësve kanë qenë duke kryer detyrën, ndërhyrja nga ana mjekësore ka qenë e pamundur. Duke pas parasysh mundësinë e një ngjarje më të madhe, një ambulancë s’do kishte pas kapacitetin për ta përballuar është nis dhe ambulanca e dytë në orën 22:56. Ambulanca e parë ka bërë transportimin e menjëhershme të zonjës. Pastaj ka mbërrit ambulanca e dytë e cila ka qenë rreth 1 orë në vendngjarje derisa ka dalë fatkeqësisht i shkrumbuar trupi i të ndjerit. Në gatishmëri ka qenë edhe një ambulancë e tretë për çdo mundësi. Sipas protokolleve 5-10 minuta është koha minimale për të mbërritur ambulanca. Në raste të tilla u bëj thirrje qytetarëve që të njoftojnë 127, sepse është Urgjenca Kombëtare që koordinon të gjitha ambulancat, në mënyrë që shpejtësia e ambulancave të jetë e menjëhershme dhe efektive.
