TIRANË– Ka dështuar raundi i parë i zgjedhjes së kreut të ri të Gjykatës Kushtetuese. Mësohet se asnjë nga kandidatet në garë nuk ka arritur të sigurojë 5 votat e nevojshme. Në garë për kreun e Gjykatës Kushtetuese janë Fiona Papajorgji, Marjana Semini dhe Holta Zaçaj.
Raundi i dytë do të zhvillohet më 17 shkurt. Sipas ligjit kur raundi i parë dështon, në raundin e dytë zgjidhet kryetar gjyqtari që merr më shumë vota. Nëse votat do të jenë të barabarta mes dy kandidatëve, kryetari zgjidhet me short.
