Sonte me nga ora 20:30 stadiumi “Emirates” do mbahet super përballja mes Arsenalit dhe Manchester Cityt, e vlefshme kjo për ndeshjen e mbetur të xhiros së 12 të Premier Ligës.
Ndryshe, ky duel po cilësohet edhe si vendimtar për çështjen e titullit të Premier Ligës, ku në rast fitoreje të Arsenalit, ky i fundit do të largohej në plus gjashtë pikë larg Cityt.
Ndërkaq, në rast fitoreje të kampionit anglez, City do ta rrëzonte Arsenalin nga kreu i tabelës dhe të ngjitej në pozitën e parë, me pikë të njëjta por me golaverazh më të mirë.
Në xhiron e fundit, Arsenali barazoi 1:1 me Brentfordin, kurse City e mposhti 3:1 Aston Villan.
Takimi i fundit mes këtyre dy skuadrave daton në muajin janar të këtij viti në FA Cup, ku asokohe City e mposhti Arsenalin me rezultat minimal 1:0.
Sa i përket ndeshjes së sotme, të dy skuadrat do të kenë probleme të mëdha me mungesa, ku për Arsenalin mungojnë Elneny, Partey, Smith-Rowe dhe Jesus, kurse te City nuk do të paraqiten Mendy dhe Stones.
Tanimë, Mikel Arteta dhe Pep Guardiola kanë vendosur se cilët lojtarë do të jenë titullarë, dhe formacionet zyrtare i gjeni më poshtë.
Arsenal (4-3-3): Ramsdale; Tomiyasu, Gabriel, Saliba, Zinchenko; Xhaka, Odegaard, Jorginho; Martinelli, Nketiah, Saka
Manchester City (3-4-3): Ederson; Walker, Dias, Ake; Gundogan, Rodri, De Bruyne, Silva; Haaland, Grealish, Mahrez
