TIRANË– Byroja e Kuvendit ka lënë në fuqi vendimin e marrë në Komisionin e Etikës për përjashtimin e 4 deputetëve demokratë mes tyre dhe kryetari i PD Sali Berisha.
Komisioni i Etikës vendosi përjashtimin për 10 ditë nga seancat plenare për kryedemokratin Sali Berisha dhe deputetin Flamur Noka. Ndërsa për Belind Këlliçin dhe Edi Palokën është marrë vendimi të përjashtohen vetëm me pesë ditë. Ndërsa të përjashtuar edhe këtë të enjte janë gjithashtu deputetët demokratë: Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.
