TIRANË– Deputeti i Partisë Demokratike Belind Këlliçi njëherazi kandidat i opozitës për bashkinë e Tiranës u është bashkuar protestuesve para Kuvendit dhe ka mbajtur një fjalim para tyre. Sipas tij ai do futej në seancë vetëm për të bërë dy pyetje se çfarë po bëhet me bonusin e qirasë për banorët e Kombinatit. Sipas tij ata kanë dy muaj pa e marrë.
Belind Këlliçi: Doja të futesha në Kuvend për të bërë ca pyetje. Takova banorët e Kombinatit dhe kanë dy muaj që nuk marrin bonusin e qirasë. Doja të dija se çgfarë bëhet me këto familje. Janë 800 familje që nuk marrin bonuset. Pyetja e dytë është për statistikat e emigrimit. Mora një statistike që numri i shqiptarëve që ikim me gomonë nga 2021 deri në 2023 është rritur me 4000%. Doja me pyet: A kemi ndonjë të dhënë, çfarë bëhet me këto. Ne kemi bërë një ankimim për përjashtimin dhe ia kemi dorëzuar Byrosë. Rregullorja e ka të shkruar të zezë mbi të bardhë.
