TIRANË– Deputeti i Partisë Demokratike Edi Paloka ka mbajtur fjalën e tij në protestën që po zhvillohet përballë parlamentit. Ai u shpreh se kjo protestë po bëhet për shqiptarët. Sipas tij ky nuk është parlament por kukulla që komandoin Rama.
Edi Paloka: Edhe Enver Hoxha e nisi duke eleminuar opozitën. Më pas ju mori gjithçka, pronat, familjet, dinjitet dhe më pas i koperativizoi. I mblodhi tufa që të punonin për bukën e gojës. A nuk është ky kriminel që nxjerr fëmijet në 4 të mëngjesit me gaz lotsjellës dhe më pas u prish shtëpitë. A nuk është ky që vjedh kudo dhe më pas burgos shqiptarët për 30 mijë lekë. Mos ejani këtu për Palokën dhe Sali Berishën, por për veten tuaj. Ky nuk është parlament, nuk kishte se si të ndodhte ndryshe në një vend që drejtohet nga Edi Rama dhe të tjerat janë kukulla. Ky është kriminel që vjedh miliona dhe i burgos shqiptarët për 30 mijë lekë të vjetra. Ça mendoni se jeni këtu për Berishën e Palokën? Jo vëllezërit e mi jo, këta janë për të gjithë shqiptarët që mos të përsëritet ajo që kemi kaluar një herë në kurriz. Ndaj dilni sa nuk është vonë kur t’ju vijë e keqja. Mos prisni. Ky parlament është turp, ta quash të tillë. Marrëdhënien me këtë parlament e kam përcaktuar që ditën e parë, se e dija si do ndodhte. Për faqen e tyre të zezë, për turpin e tyre
