TIRANË– Deputetja e Partisë së Lirisë Monika Kryemadhi është përplasur në Kuvend me drejtuesen e seancës Ermonela Felaj në seancën plenare. Kryemadhi shprehet se opozitës nuk mund ti pritet fjala. Nuk munguan as batutat dhe iranitë.
Monika Kryemadhi: Opozita ka të drejtën e fjalës, imagjinoni kur ia hiqni…Na ngelen vetëm karriget t’ua thyejmë kokës njëri-tjetrit. Edhe po të mos doni ta hetoni ju të jeni të bindur se do e hetojnë ndërkombëtarët. Të lutem shumë! Moj për procedurë po flas. Po flas për procedurat e tua që t’i i shkel. Rama ndaç të vijë ndaç jo, ai këtë punë e mbyll këtu me ne, por me Amerikën nuk e mbyll dot, se ka fyt turinjtë aty ku nuk duhej. E mirëkuptoj Ramën që nuk e përballon dot… na thoni se ka nevojë të rikuperohet mendërisht dhe emocionalit, dhe të vijë. Nuk kemi për ta varur, as vrarë, janë 13 pyetje, të vijë të përgjigjet. S’di të përgjigjet? Atëherë të japë dorëheqjen.E rmonela kjo është bërë si ajo: Në ato maja rripa-rripa, një hera ma hipe dy herë ta hipa. Fakti që ke fuqinë e mikrofonit, nuk të bën më të zgjuar e më inteligjente se burrat e gratë që janë këtu. Më të përdorur nga Rama të bën, kjo po. Po ta them edhe njëherë, se ti mund të pengosh ngritjen e komisionit këtu, por Amerika nuk do ta mbyllë. Jo se i dhimbset Shqipëria, por sepse ai ka futur turinjtë aty ku nuk duhet. Nuk kemi për ta vrarë, ne kemi vetmë 13 pyetje, atëherë nëse ai nuk përgjigjet, të japë dorëheqjen e të vijë një tjetër për të folur. Ti na bën dhe kalkulime, na mat sekondat këtu. Mbaj vendin tënd. Kam të drejtë të flas.
