TIRANË– Kryetari i Partisë Demokreatike Sali Berisha ka folur për mediat pas mbylljes së protestës së mbajtur para parlamentit. Ai iu përgjigj interesit të gazetarëve në lidhje me auditimin e bërë nga PD për dyshimet e ngritura për financimin rus në PD gjatë kohës që kjo parti drejtohej nga Lulzim Basha. Berisha tha se procesi ka përfunduar dhe shumë shpejt do të bëhet publik përfundmi.
Pjesë nga pyetjet:
Pyetje: Po PD ka hetuar për zotin Basha?
Sali Berisha: PD ka hetuar, rezultati do komunikohet nga komisioni. Ekspertët e kanë sjellë raportin. Janë ekspertë të oditit të pavarur. E kanë sjellë për sugjerime si është rregulli ja ua kemi kthyer pa asnjë kërkesë të vecantë sapo ta kthejnë.
Pyetje: Protesta e radhës e PD?
Sali Berisha: Protesta e radhës e PD, 3 mars. Revolucioni vazhdon. Bashkohen të gjithë shqiptarët kundër regjimi i cili po vjedh pa dallim bindjesh politike, statusi apo gjendje. Mos harroni se në një kohë kur qytetarët shqiptarë numërojnë kafshatën. Këta qeveritare, sekretaret e tyre mbushin dyshekët me euro,. Imagjinoni ku jemi, prandaj duhet hetim. I them këto për të kërkuar mirëkuptimin e shqiptarëve se rrugë tjetër nuk ka.
Pyetje: Ku ndryshon revolucioni juaj nga ai i Bashës?
Sali Berisha: E di ku ndryshon?! Në vitin 2009 kur PD fitoi zgjedhjet të certifikuara, ku raporti thotë se u plotësuan kritieret ndërkombëtare për zgjedhjet. Edi Rama vetëm për të sabotuar marrëveshjen e stabilizim asocimit mbajti tre muaj parlamentin me bilbila, kurse bilbilbasha pas atij procesi shkoi votoi jo vetëm borxhin, por edhe vettingun, ja votoi Edi Rames.
Pyetje: Ka zyrtarë të PD që thonë se Rama largohet me dhunë?
Sali Berisha: Atyre iu them se forcë nuk është vetëm dhuna. Sigurisht dhuna është forcë, por edhe jo dhuna është forcë. Revolucioni paqësor e ka më të sigurt fitoren se cdo formë tjetër e cila mund të implikohet me dhunë.
