TIRANË– Vijon me tensione dhe debate të forta seanca e sotme plenare. Kështu nënkryeatarja e Kuvendit Ermonela Felaj ka kërkuar nga Komisioni i Etikës që të përjashtojë nga puna e Kuvendit 3 deputetë të Partisë Demokratike. Bëhet fjalë për deputetët Elda Hoti, Sorina Koti dhe Edmond Spahos për bllokimin e foltores së Kuvendit që prej orëve të mëngjesit. Ndërkohë për deputetin demokrat Edmond Spaho, Felaj kërkoi dyfishim të ‘denimit” me përjashtimin nga Kuvendi për 20 ditë.
Ermonela Felaj: Edmond Spahos t’i dyfishohet periudha e përjashtimit (20 ditë). I jap vërejtje Elda Hotit, meqënëse vazhdon të mbajë të bllokuar Foltoren. I heq të drejtën e fjalës dhe kërkoj përjashtimin nga seanca parlamentare dhe mbledhjet e Komisioneve Parlamentare. I jap vërejtje zonjës Sorina Koti. Meqënëse vijon të qëndrojë në Foltore, i jap vërejtje. Meqënëse sërish vazhdon, i heq të drejtën e fjalës dhe kërkoj përjashtimin nga seanca dhe mbledhjet e komisioneve Parlamentare.
