Sonte me fillim nga ora 18:45 stadiumi “Camp Nou” do të prites i super përballjes mes Barcelonës dhe Manchester United, e vlefshme kjo për fazën e eliminimit direkt në Ligën e Evropës.
Ndeshja e parë do të zhvillohet në Spanjë, ku Barça do ta synojë me çdo kusht fitoren në mënyrë që të ketë avantazh në ndeshjen e kthimit.
Të dy skuadrat rikthehen nga fitoret në ndeshjet e tyre të fundit në La Liga dhe Premier Ligë, ku Barcelona e mposhti 1:0 Villarrealin, kurse United shënoi fitore 2:0 kundër Leeds.
Ndërkaq, takimi i fundit mes Barcelonës dhe Manchester United daton në muajin prill të vitit 2019, ku asokohe gjiganti katalunas shënoi fitore bindëse 3:0.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Barçën nuk do të paraqiten Busquets dhe Dembele, kurse te United mungojnë Antony, Eriksen, Greenwood, Martial, Martinez, McTominay, Sabitzer dhe van de Beek.
Tanimë të dy trajnerët kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.
Barcelona (4-3-3): Ter Stegen; Alba, Alonso, Araujo, Kounde; Kessie, De Jong, Pedri; Gavi, Lewandowski, Raphinha
Manchester United (4-2-3-1): De Gea; Wan-Bissaka, Varane, Shaw, Malacia; Casemiro, Fred; Sancho, Fernandes, Rashford; Weghorst
