TIRANË– Një grup të rinjsh të FRPD-së kanë mbërritur jashtë ambienteve të televizionit KLAN ku kreu i qeverisë ka njoftuar intervistë mbrëmjen e sotme
“Problemi nuk është vetëm se duhet të protestojmë ne. Duhet të bashkohen edhe të tjerë me ne. Rinia është duke braktisur vendin dhe nuk e sheh më shpresën te Rama. Është kryeministri më i keq që ka qeverisë Shqipërinë. E ka shitur Shqipërinë dhe ka bërë planet e veta. Shqiptarët po kërkojnë azile politike dhe një rrogë të mirë. Rama nuk ka fuqi të ballafaqohet me qytetarët e vet”, shprehen të rinjtë.
Këta të fundit kanë shtuar se do vazhdojnë të protestojnë kundër Ramës. Ndërkohë kujtojmë se paraditen e kësaj të enjte opozita zhvilloi protestë para parlamentit teksa zhvillohej seanca plenare.
