Kreu i Partisë Demokratike i bëri thirrje biznesmenit Mohammed Alabbar që të tërhiqet nga marrëveshja për të ndërtuar “Marina&Jahtet e Durrësit”. Në një konferencë për mediat kryedemokrati tha se aty po shiten apartamente me 3000 euro metri katrorë pavarësisht se vendimi nuk la dalë ende në Fletoren Zyrtare! Berisha tha se ky projekt po ngrihet me paratë e mafias të vendeve të tjera.
“Porti i Durrësit, po shiten apartamente, pa dalë në Fletoren Zyrtare ligji. U bëj thirrje qytetarëve, me çfarë çmimi thoni ju? 3 mijë euro. Dubai i Edi Ramës dhe arabit të tij, po ngrihen të gjitha mbi paratë e krimit. Jo vetëm të Shqipërisë, por edhe nga vendet e tjera. Ndaj na duhen ato pasaportat e arta. Vendi është në rrezik të jashtëzakonshëm. Kjo mafie nuk ka asnjë parim, asnjë interes. Ndaj i them edhe njëherë zotit Alabar, që është një miliarder. Hiq dorë nga kjo aferë. Zotëri, kjo është plaçkitja më e madhe që i bëhet kombit shqiptar në pronë publike. Prandaj mos përziej aksionet e tua me Edi Ramën”, tha Berisha.
