TIRANË– Kryetari i Partisë Demokratike Sali Berisha u ka bërë thirrje të gjitha mediave që të bojkotojnë kryeministrin Edi Rama. Ai tha se PD doi të marrë masa që ai të mos lejohet që të shkojë në asnjë studio. Mbrëmjen e djeshme të rinjtë e Forumit Rinor të PD i bllokuan rrugën Ramë në hyrje të televizionit Klan ku ishte i ftuar në emisionin “Opinion”.
Sali Berisha: U bëj thirrje të gjithë gazetarëve që të mos e pranojnë këtë njeri të korruptuar. Është njëlloj si të marrësh në studio një kriminel që nuk shkon para drejtësisë. Në ccdo televizion që do të shkojë ne do të organizojmë protesta të flakta. Dje ishte vetëm fillimi. Keni për ta parë. Mos qeshni ju. Unë e kam me sinqeritet, bojkotojeni, mos i jepni asnjë hapësirë. Do marrim masa që të mos shkelë në asnjë studio.
