DURRËS– Një person është gjetur i djegur në një pallat të sapondërtuar në lagjen nr. 13, të qytetit të Durrësit. Policia bën me dije se personi në fjalë është gjetur rreth orës 11:40. Sipas këtyre të fundit, ai i ka vënë flakën vetes, ndërkohë viktima nuk është identifikuar akoma.
Njoftimi i policisë:
Rreth orës 11:40, në lagjen nr. 13, Durrës, është konstatuar dyshohet i vetëdjegur me lëndë djegëse (benzinë), një shtetas ende i paidentifikuar. Grupi hetimor ndodhet në vendngjarje dhe po punon për identifikimin e këtij shtetasi dhe për sqarimin e plotë të rrethanave të kësaj ngjarjeje.
