TIRANË– Deputeti i Partisë Socialiste, Besian Ajazi, i ftuar në emisionin “Stay Tuned”, nga Valbona Mhillit, në ekranin e MCN TV, foli për fillimet e tij në gazetari dhe kalimin në politikë.
Si deputet, ai thotë se gazetaria dhe politika janë natyrshëm të lidhura me njëra tjetrën.
“Bërja gazetari dhe bërja politikë, kanë një simbiozë të natyrshme, ndërmjet njëra tjetrës lidhen natyrshëm. Them se profesioni si gazetar më ka shërbyer në punën që bëj tani si përfaqësues i Gramshit i zgjedhur në parlament.
Më ka bërë që të jem më i ndjeshëm ndaj problemeve qe i shqetësojnë banorët, qoftë edhe një banorë jo më një komunitet, më ka bërë të jem i drejtpërdrejtë me banorët, me qytetarët por edhe me ata që kanë në dorë ti zgjidhin apo ti marrin në shqyrtim problemet e tyre.” u shpreh Ajazi.
