TIRANË– Një aksident i rëndë është regjistruar mbrëmjen e sotme në Fushë-Prezë. Raportohet se një 50-vjeçar i identifikuar me inicialet F.L, i cili drejtonte një kamion ka humbur kontrollin e tij dhe ka përfunduar jashtë rruge. Shoferi ka mbetur i plagosur. Ai është dërguar në spital dhe ndodhet nën kujdesin e mjekëve.
NJOFTIMI I POLICISË:
Më datë 18.02.2023, në Fushë-Prezë, shtetasi F. L., 50 vjeç, duke drejtuar mjetin (kamion), ka humbur kontrollin mbi drejtimin e tij dhe ka dalë nga rruga. Si pasojë, 50-vjeçari është dëmtuar dhe ndodhet në spital, nën kujdesin e mjekëve.
