TIRANË– Ka dëshmuar në Gjykatën e Posaçme kundër Korrupsionit dhe Krimit të Organizuar Nuredin Dumani, në seancën ndaj Xhuljano Hoxhës dhe Euglen Halilit, të cilët akuzohen se kanë kryer vrasjen e Emiljano Ramazanit dhe Regis Runajt, ngjarje e ndodhur 3 vite më parë në Elbasan. Në ambientet e Gjykatës së Posaçme, Dumani u shoqërua në masa të rrepta sigurie.
Dumani ka dhënë deklarimet e tij duke rrëfyer se me kërkesë të Alibejt është bërë vrasja e Emiljano Ramazanit me armë zjarri dhe ajo e Regis Runajt me thikë në verën e vitit 2020. Më tej ai ka thënë se pasi ka marrë porosinë ka qenë personi që ka organizuar dy vrasjet, për të cilat pretendon se është paguar nga Alibej, ndërsa ai ka organizuar të gjithë ngjarjen. Dumani ka treguar se për vrasjen angazhoi Skerdi Tasin, ndërsa Henrik Hoxhaj, mendohet se ka pasur rolin e shoferit.
