BERAT– Personi që shihni në foto është Klinton Merkaj, 28-vjeçari nga Berati që humbi tragjikisht jetën pas një aksidenti fatal të regjistruar në orët e para të mëngjësit të kësaj të marte. Sipas policisë shkak për aksidentin e rëndë dyshohet të jetë bërë shpejtësia e lartë me të cilën i riu udhëtonte. Merkaj fillimisht humbiu kontrollin e makinës tip “Benz” duke u përplasur me një shtyllë ndriçimi e më pas ra në kanal ku makina dhe shpërtheu në flakë.
Merkaj u ‘shkrumbua’ brenda saj. Duke folur për mediat banorët e zonës treguan se aksidenti ka qenë shumë i fortë duke shkaktuar dhe një zhurmë të fuqishme që i ka zgjuar nga gjumi. Ata thanë se në momentin që janë afruar afër makina ka marrë flakë dhe nuk kanë mundur të ndihmojnë të riun. 28-vjeçari po kthehej nga Fieri, ku mësohet se kishte shkuar për të njoftuar të afërmit për të qenë të pranishëm në të dyzetat e vëllait të tij më të madh.
Vëllai i tij 30 vjeç, i cili vuante nga probleme të shëndetit mendor ndërroi jetë pak javë më parë pasi u mbyt në ujërat e lumit Osum. Vdekja e 28-vjeçarit shtoi plagët në familjen Merkaj, e cila për pak jave ka humbur të dy djemtë e saj. Sa i përket ekspertizës mjeko-ligjore, autoritetet thonë se 28-vjeçari Klinton Merkaj rezulton se nuk kishte konsumuar alkool apo lëndë narkotike
