A e mbani mend artistin e vogël Glejvis Lleshaj ku në vitin 2013 mori pjesë në “Gjeniu i Vogël 5”? Ja pra, sot ai numëron rreth 14 videoklipe me një sukses të padiskutueshëm, dhe vetëm dy ditë më parë ka publikuar një projekt mjaft të veçantë muzikor me titull “Enigma”, të realizuar nga “Moon Show”. Glejvis është një artist i ri, me një potencial dhe zë që të jep emocion, dhe shpreh shumë çka me tekstet me të cilat vjen çdo herë, ku kurrë nuk i zhgënjen fansat e tij.
Ky i fundit nga viti 2012, deri në vitin 2015 ka mbajtur çmimin e “Fest Kukës”, për 4 edicione rresht, ku mos përmendim pjesërmarrjet e tij në kompeticione mjaft të rëndësishme televizive dhe jo vetëm, por edhe në skena jashtë Shqipërisë. Kur përmendet emri Glejvis, kujtojmë Teatrin Kombëtar, çertifikatat artistike, ose na vjen në mendje termi “bashkëpunim”.
Pa dashur të xhelozojmë njeri, mund të themi me siguri të plotë që zëri dhe buzëqeshja e Glejvis ka arritur të rrëmbejë zemrat e shumë vajzave, ku janë “marrosur” pas tij, dhe kjo duket nga rrjetet sociale dhe videoklipet që numërojnë me qindra e mijëra klikime sapo publikohen, pastaj mos shkojmë më tej, në postimet e tij në instagram, ku vajzat kanë rënë në dashuri.
