KLOS– Ishte duke punuar për ndërtimin e urës në hyrje të qytetit të Klosit, humb jetën punëtori Mujedin Biba, rreth 58-vjeç. Ngjarja ndodhi në orët e paraditës së kësaj të mërkure, teksa punëtori i montimit të hekurave ishte mbi urë dhe nuk është ndjerë mirë duke i rënë të fiktë. Biba është transportuar me urgjencë në Qendrën Shëndetësore të Klosit e më pas në spitalin e Burrelit, ku dhe ka ndërruar jetë.
Paraprakisht bëhet me dije se 58-vjeçari me origjinë nga Kukësi humbi jetën si pasojë e një arresti kardiak. Policia dhe Inspektoriati Shtetëror i Punës dhe Shërbimeve Shoqërore kanë nisur hetimet për sqarimin e ngjarjes.
