TIRANË– Kuvendi i Shqipërisë nuk do të gjejë qetësi as në seancën plenare të kësaj të enjte, pasi do të ketë sërish protestë para godinës nga opozita. Bëhet me dije se në seancën e ditës së nesërme kryeministri Edi Rama nuk do të jetë i pranishëm, pasi ndodhet në Japoni për një vizitë zyrtare. Ndërkohë sipas Berishës, demokratët do të vijojnë aksionin opozitar brenda dhe jashtë parlamentit.
Këtë të marte, Sekretariati i Etikës njoftoi përjashtimin nga seanca plenare 6 deputetë të PD nga 3 ditë deri në 10 ditë me pretendimin se nuk e kanë lejuar zhvillimin normal të seancës së javës së kaluar. Berisha mësohet se do të mbledhë sot të gjithë grupin parlamentar të PD-së për aksionin e kësaj të enjte.
