TIRANË– Deputetja e Partisë Demokratike Jorida Tabaku ka reaguar pas vendimit të Gjykatës Kushtetuese për të rrëzuar Bordin e Transparencës për çmimet e ushqimeve. Në një postim në Facebook Tabaku shkruan se Bordi i Çmimeve kishte vendosur rritjen me 30% në periudhë krize, por që tashmë është nul. Ndër të tjera Tabaku shprehet se qytetarët presin të merret vendimi mbi Bordin e Karburanteve që gjithashtu penalizon shqiptarët dhe kënaq oligarkët.
POSTIMI I TABAKUT:
Gjykata Kushtetuese shpëton shqiptarët nga bordet socialiste dhe i jep të drejtë grupit parlamentar të PD! Bordi çmimeve të ushqimeve është antikushtetues! Një tjetër betejë e fituar nga Grupi Parlamentar i PD që dërgoi ne GJK Bordin e Çmimit të Ushqimeve! Bordi komunist, që në periudhë krize ka vendosur çmime abuzive në kurriz të xhepave të shqiptarëve duke rritur me të paktën 30% çmimet e shportës dhe duke bërë biznes me krizën e shqiptarëve, tanimë është nul! Shpresoj shumë që ky të jetë një fillim i mirë dhe për vendimin mbi bordin e karburanteve. Politika në ndihmë të qytetarëve është pikërisht kjo! Pasi kjo e sotmja është një fitore mbi të gjitha e shqiptarëve që përtej bindjeve politike do të çlirohen nga një bord komunist dhe antikushtetues. Bordi Socialist tanimë duhet shkrirë! Ndërsa qytetarët presin të merret vendimi mbi Bordin e Karburanteve që penalizon shqiptarët dhe kënaq oligarkët !
Po ashtu dhe deputeti i PD Gazment Bardhi ka reaguar pas vendimit të Kushtetueses. Një një postim në Facebook Bardhi shkruan se abuzimet me çmimet i oligarkëve me bekimin e qeverisë së Edi Ramës rëndonte qytetarët shqiptarë. Sipas tij vendimi i sotëm i Gjykatës Kushtetuese mbron interesin publik.
POSTIMI I GAZMENT BARDHIT:
Një tjetër betejë e fituar me qeverinë dhe oligarkët e saj Goditja e Bordit të Oligarkëve në Gjykatën Kushtetuese ishte hapi i duhur i opozitës. Abuzimi me çmimet i oligarkëve me bekimin e qeverisë së Edi Ramës rëndonte qytetarët shqiptarë. Vendimi i sotëm i Gjykatës Kushtetuese mbron interesin publik. Krenar për çdo kolegë që mbështeti këtë inicativë.
