SHBA– Mediat amerikane vijojnë të mbajnë në qendër të vëmendjes arrestimin e ish-zyrtarit të lartë të FBI-së Charles McGonigal dhe lidhjet e tij me kryeministrin shqiptar Edi Rama. Kështu në një intervistë të fundit të dhënë për “One America News” ish-e dashura e McGonigal, Allison Guerriero ka dhënë detaje në lidhje me një darkë që ish-agjenti ka ngrënë në Nju Jork me Ramën, e cila sipas saj ka kushtuar plot 10 mijë dollarë.
(Kliko këtu për të parë videon e plotë nga intervista)
Allison thotë se darka është konsumuar në restorantin St. George pas punimeve të Asamblesë së Përgjithshme të OKB-së në Nju Jork dhe prezentë kishin qenë persona të tjerë, por Allison tha se emrat e të tjerëve, McGonigal nuk ia kishte treguar.
Guerrero rikujtoi edhe njëherë episodin kur agjentët e FBI-së i trokitën në derë për ta marrë në pyetje dhe tha se në atë kohë u ka kërkuar që të hetojnë veprimtarinë e McGonigal në Shqipëri, pa ditur se do të zbuloheshin akoma më shumë të tjera në të gjithë Ballkanin, përfshirë Kosovën e Bonsje Hercegovinën.
