TIRANË– Byroja e Kuvendit ka lënë në fuqi vendimin e Komisionit të Etikës për përkjashtimin e 6 deputetëve demokratë Sorina Koti, Elda Hoti, Greta Bardeli, Lindita Metaliaj, Edmond Spaho dhe Oerd Bylykbashi, të cilët seancën e kaluar bllokuan foltoren dhe u ranë bilbilave.
NJOFTMI:
Byroja e Kuvendit rrëzon ankimimin e 6 deputetëve të PD dhe lë në fuqi përjashtimet. Gjashtë deputetët e përjashtuar me vendim të sekretariatit për procedurat, votimet dhe Etikën iu drejtuan me një letër Byrosë së Kuvendit, teksa e quajnë vendimin antikushtetuese dhe një akt të rëndë ndaj parlamentarizmit në Shqipëri.
Deputetët Sorina Koti, Elda Hoti, Greta Bardeli, Lindita Metaliaj, Edmond Spaho, Oerd Bylykbashi deklaruan se vendimi nr.39 i 21 shkurtit shkel nenin 70/1, 79/1, 73/1 të Kushtetutës.
Gjithashtu ky vendim, theksuan ata është marrë në shkelje të neni 65/2 pika 2 të Rregullores së Kuvendit, në mungesë totale transparence, pa prezencën e deputetëve akuzues që kishin nënshkruar kërkesën për përjashtim, si dhe në mungesë të provave, fakteve apo indicieve.
Megjithatë Byroja ka vendosur të lërë në fuqi vendimin e sekretariatit për procedurat, votimet dhe Etikën.
