TIRANË– Pas një “zhdukjeje” totale nga mediat dhe jeta politike ish-ministri i Ekonomisë dhe Financave Arben Ahmetaj është parë këtë të enjte të hyjë në Kuvend për të marrë pjesë në punimet se seancën plenare. Teksa ishte duke hyrë në Kuvend ai iu përgjigj shkurtimisht gazetare s së “Ora NeWs”. Ai i hodhi dorën në qafë gazetares për të patur një bisedim sa më miqësor. Ai tha se akuzat për të janë të paguara, ndërsa ai vetë nuk ka lidhje. Sipas tij, i vetmi zhvillim i ri në jetën e tij, janë humbja e 4 kilogramëve në palestër.
Arben Ahmetaj: Mirëmëngjesi. Vendi ka nevojë për normalitet. Forcat politike kanë të drejtën e tyre të protestojnë por jo në të drejtë të tyre.
Pyetje: Ka patur shumë akuza ndaj jush? çfarë po ndodh me ju?
Arben Ahmetaj: Me mua? Kam humbur 4 kilogram në palestër, kjo po ndodh me mua personalisht. Sa i përket akuzave, duroni, jam në “Opinion” sot në darkë. Duroni, gjithsesi janë akuza mercenarësh.
