TIRANË– Deputeti i Partisë Demokratike Ervin Salianji gjatë fjalës ssë tij në seancën e kësaj të enjteje u shpreh se Kuvendi është rrethuar nga Garda dhe Policia sikur të ishte thesari i Ali Babës. Sipas tij deputetët e PD po përjashtohen nga Kuvendi sipas qefit të Ramës dhe po trajtohen si lecka. Salianji i bëri thirrje mazhorancës të respektojë Kushtetutën dhe Rregulloren e Kuvendit dhe të votojnë ngritjen e tre komisioneve hetimore dhe kërkoi që SPAK dhe SHISH të krthejnë përgjigje për çështjen ‘Rama-McGonigal’.
Ervin Salianji: Ju Nikolla jeni në shkelje duke plotësuar kërkesat e partisë. Nëse jepni një gjë me të drejtë ka ndonjë përpëlitje dhe juve reagoni. Ju nuk respektoni as procedurën as afatin kohor. Mblidhni Etikën kur t’ju dojë qefi dhe kolegët e PS duhet të reagojë kur rrethohet hyrja e parlamentit sikur të jetë këtu thesar i Ali Babës. E di që e shihni këtu si thesar se nga këtu abuzoni që prodhon para Edi Rama për t’i dhënë McGonigal. E kuptoj pse bëni si të shqetësuar për zhurmën në parlament. Ju keni futur vuvuzelën deri në grykë e s’ju ka përjashtuar njeri. Çfarë është kjo? Të përjashtohen 20 e ca deputetë se i do qefi Edi Ramës e të trajtohen si lecka. Ju jo vetëm keni bllokuar komisionet hetimore por edhe SPAK s’kthen përgjigje. Brenda 5 ditësh, SPAK dhe SHISH të kthejë përgjigje për çështjen Rama-McGonigal’
