TIRANË- Kreu i Partisë së Lirisë Ilir Meta i ftuar në emisionin “Të Pa Ekspozuarit” nga Ylli Rakipi, ai është shprehur se nuk ka institucion dhe fuqi në botë ti bëjë shantazh, ku ka shtuar se reforma në drejtësi në momentin kur u zgjodh Prokurori i Përgjithshëm me 69 vota, mori goditjen më të madhe.
Meta: Reforma në drejtësi mori një goditje kur Prokurori i Përgjithshëm u zgjodh me 69 vota. Ai prokuror zgjodhi KLP dhe KLP zgjodhi SPAK-un. Dhe i kam thënë ndërkombëtarëve që ju e shkatërruat hetimin. Dhe i kam thënë nuk do ta lejoj atë (Ramën) tëk Gjykata Kushtetuese. Unë kam vendosur të shkarkoj një prokuror të republikës në 2002, e kam vendosur ta shkarkoj një prokuror të republikës se u përfshi hapur në veprimtari politike publike. Kam qenë 32 vjec dhe kam vendosur ta shkarkoj Prokurorin e Përgjithshëm duke dhënë dorëheqjen si kryeministër dhe pas disa javësh kam mbledhur grupin parlamentar të PS dhe e kam shkarkuar. Unë po them për edukatën time si shtetar. Kam vendosur ta shkarkoj se e teproi aq shumë duke u marrë me politikë, por jo si kryeministër por pasi të jap dorëheqjen. Dhe grupi vendosi sic vendosa unë dhe presidenti i republikës Rexhep Mejdani si njeri me integritet e firmosi. Nuk ka institucion dhe fuqi në botë ti bëjë shantazh Ilir Metës. Por unë jam një politikan dhe për aq sa kohë sa jam në politikë, të respektoj kushtetutën dhe ligjin dhe të jem shembull.
