Alda Klosi është kthyer në temën e ditës në çdo debat televiziv por jo vetëm pasi dhe në zyrat e administrates shtetërore ku ajo ka punuar përshpëriten zëra që hedhin hije dyshimi mbi vërtetësinë e akuzave të ngritura ndaj saj. Klosi u bë qendra e vëmendjes pas vjedhjes së më shumë se 120 mijë eurove në shtëpinë e saj nga pastruesja Rozeta Dobi, e cila dita ditës po fundos ish-zyrteren e lartë me dëshmitë e saj. Klosi i kishte “besuar” pastrueses mbase më shumë se ç’duhej të dinte me shpresën se do e kishte një bashkëpunore besnike në sagën e madhe të grabitjes së arkës së shtetit.
Vjedhja e 120 mijë eurove, alibitë
Gjithçka ndodhi më 16 dhjetor ku një telefonatë mbërriti në sallën oporative të Policisë së Shtetit dhe u raportua se është kryer një vjedhje në shtëpinë e Alda Klosit. Vjedhja ishte pikasur nga vajza e mitur e Klosit, e cila kur kishte mbërritur në shtëpi, në rrugën e Kosovarëve ka parë gjithçka të kthyer përmbys a thua se kishte plasur bomba, “bomba” e vërtetë do të plasej më vonë. Në media në fillim u raportua si një vjedhje rutinë derisa në dritë doli emri i Alda Klosit, po pse u bë kaq bujë dhe kush është Alda Klosi. Alda Klosi e nisi karrierën në administratën shtetërore në vitin 2006 me detyrën e parë në ministrinë e Financeve e më pas fillojë ngjitjen në karrierë po ashtu dhe shtimin e pasurisë së saj. Por të kthehemi tek vjedhja. Në fillim Alda Klosi raportoi se në shtëpinë e saj janë vjedhur 120 mijë euro që nuk ishin të saj por të xhaxhait, alibi që ra poshtë më vonë. Sipas dëshmisë së dhënë fillimisht në polici Klosi pretendonte se paratë ia kishte dhënë nusja e xhaxhait që jeton në Shtetet e Bashkuara të Amerikës për të rregulluar shtëpinë. Ndërsa më pas në një dëshmi të dytë kontradiktore u shpreh se paratë i kishte siguruar për kurimin e xhaxhait të sëmurë me kancer, i cili ndërroi jetë pa thënë thënë asnjë fjalë në lidhje me dëshminë e mbesës. Dëshmitë kontradiktore bënë që Prokuroria e Tiranës të niste një hetim më të thelluar për Alda Klosin.
Pse Alda Klosi u bë qendra e mediave dhe lidhjet e saj me Arben Ahmetajn
Alda Klosi mbase do të ishte harruar sot kur kanë kaluar më shumë se dy muaj nga arrestimi i saj po të mos kishte qenë një zyrtare e lartë dhe shefja e kabitetit të ish-ministrit të atakuar prej muajsh tashmë për korrupsion Arben Ahmetaj. Gjatë kohës që “tigri” siç dhe thirret tashmë në oborret e politikës dhe ato të medias. Arben Ahmetaj gjatë kohës që në kulmin e një tragjedie të madhe si tërmeti i 26 nëntorit iu besua menaxhimi i fondeve të dhëna nga donatorët dhe Bashkimi Europian që do të përdoreshin për rindërtimin. Me bekimin e Edi Ramës Ahmetaj kaloi në ministrinë e Rindërtimit të krijuar për këtë qëllim ndërsa Alda Klosi u vendos shefja tij e Kabinetit duke u bërë kështu as më shumë e as më pak krahu i djathë i ministrit më të rëndësishëm të kohës, i cili ishte dhe zëvendëskryeministër dhe një nga më të besuarit e Ramës.
Pozicioni që kishte mbajtur para pak muajsh bënë që Alda Klosi të ishte në qendër të vëmendjes. Puna në një dikaster që në atë kohë kanë kaluar në dorë me miliona euro e miliarda lekë bënë që të shtoheshin dyshimet ndaj saj. Pyetje që Newzone.al iu ka shtruar dhe para më shumë se një muaj mbetetn ende pa përgjigje. Kush ishte roli i Alda Klosit në fondet e rindërtimit, ku firmosi ish-zyrtarja dhe çfarë lidhje ka ajo me kompanitë e ndërtimit përfituese të tenderave janë pyetje që duken se i janë drejtuar një guri varri që hesht, as drejtësia nuk përgjigjet dot.
Si u shumëfishuan pasuritë e Klosit me ngjitjen e shkallëve të karrierës në shtet
Alda Klosi, tashmë një ish-zyrtare e lartë e shtetit duket se ashtu siç ka ngritur shkallët e karrierës me shpejtësi po me të njëjtin ritëm ka shtuar dhe pasurinë e saj. Kështu Klosi kur mori për herë të parë në një detyrë të lartë në administratën shtetërore si drejtoreshë në Ministrinë e Financave në vitin 2006 kishte deklaruar në Inpsektoriatin e Dekklarimit të Pasurisë në pronësi të saj dhe të bashkëshortit vetëm një apartament modest prej 47 metrash katrorë në kryeqytet me vlerë 2,5 milion lekë, një automjet Toyota Yaris i vlerësuar 180 mijë lekë dhe disa llogari bankare me vlera të ulëta ose të papërfillshme, prej 7 eurosh apo 3,8 dollarësh. Ndërsa bashkëshorti kishte dhe një truall prej 1000 m2 katrorë në periferi të Tiranës me vlerë 9 milionë lekë, ku përfshihet dhe një ndërtim prej rreth 90 m2. Por mesa duket ka mjaftuar vetëm një vit që Altin dhe Alda Klosi të blinin një apartament në Tiranë prej 72 metrash katrorë me vlerë rreth 32 mijë euro, financuar pjesërisht nga një kredi prej 2 milionë lekësh, 950 mijë lekë të tjera i kanë marrë borxh dhe nga një garanci financiare të një prone me qira. Nga viti 2017 deri në vitin 2021 kur ajo dhe u divorcua nga bashkëshorti, pasuria e saj nuk pati ndryshime të mëdha. Ndërkohë vetëm një vit më pas, tashmë e divorcuar ajo bëhet pronare e dy apartamenteve banimi në Lezhë, me vlerë gati 8 milionë lekë që të dy. Ndërkohë ajo shlyen kredinë e marrë në 2017 për blerjen e apartamentit në Tiranë, dhe bëhet pronare me të drejta të plota. Në vitin 2022 ajo deklaron se ka përfituar tre pasuri të lëna trashëgimi nga familja. Por në asnjë nga deklarimet e saj të pasurisë ish-shefja e Kabitetit e ish-ministrit Arben Ahmetaj nuk ka deklaruar për shumën e madhe të pareve prej 120 mijë eurosh që mbante në banesë. Në gusht të vitit që kaloi, Klosi ka dorëzuar në ILDKP deklaratën e fundit dhe të plotë të pasurisë, si detyrim ligjor para emërimit në funksionin e drejtores së kabinetit në Ministrinë për Rindërtimin dhe Programin për Reformat, e drejtuar nga Arben Ahmetaj. Ligji për deklarimin e pasurisë, neni 4, parashikon detyrimin e zyrtarëve që janë subjekte deklaruese, siç është edhe Alda Klosi, që të deklarojnë gjendje parash në cash jashtë sistemit bankar, çdo send me vlerë mbi 300 mijë lekë, dhuratat me vlerë mbi 10 mijë lekë, shpenzime, vlerën e likuiditeteve, llogari rrjedhëse etj.
Dëshmia që i bëri “gropën”
Saga e arrestimit të Alda Klosit nuk mbaron. Me dëshminë e dhënë nga pastruesja Rozeta Dobi në polici erdhi dhe fundi i ish-zyrytares së lartë që nuk dihet si u katapultua në shkallët e lartë të administrates publike. E arrestuar tashme bashke me të birin Havier Dobi, Rozeta pak pasi ishte arrestuar filloi të “zgjidhte gjuhën” dhe të fliste me të birin tashmë jo për një shumë parash 120 mijë euro sa ishin vjedhur në shtëpinë e Klosit por për shumë plot 500 mijë euro të cilat ende dhe sot, zyrtarisht janë pa “zot”. Pas kontrollit në dytë në shtëpi paratë u gjetën të fshehura në tubin e aspirimit, bashkë me to dhe sende floriri me vlerë. Në fillim Dobi nuk tregonte se të kujt ishin paratë por në fund vendosi të flasë.
A është Rozeta Dobi sot një bashkëpunëtore e drejtësisë kjo është e vështirë për tu thënë me siguri por duket se vendimi i saj për të folur i dha një rrjedhë të re ngjarjes që çuan dhe në arrestimin e Alda Klosit mbremjen e vonë të 4 shkurtit. Para hetuesve Rozeta Dobi “plasi bombën” e parë që do të fillonte dishesen e Klosit. Ajo tha se nuk ishte e vetme në grabitje me djalin e saj Havierin, i cili nga ana tjetër me paratë e vjedhura blinte makina dhe reklamonte jetën e luksit në rrjetet sociale. Pastruesja tha se nuk kishim të bëjmë me një grabitje por me një inskenim nga vetë Klosi, e cila sipas pastruese kishte për qëllim që t’ia hidhte fajin ish-burrit të saj. Pastruesja rrëfeu se ka marrë kasafortën nga dhoma e gjumit dhe e ka futur në makinë pasi ka marrë paratë atë e ka hedhur. Por më pas dëshmia ndryshoi. Rozeta Dobi deklaroi se jo vetëm 120 mijë euro janë marrë në shtëpinë e Klosit por të gjitha paratë e gjetura në tubinmm e aspirimit pra më shumë se 500 mijë euro, dëshmia u mbështet dhe nga i biri Havier Dobi më vonë para hetuesve.
Paratë vinin me thasë…Kush i sillte dhe të kujt ishin?!
Par hetuesve Rozeta Dobi ka dhënë dëshmi të forta. Ajo ka treguar se gjatë kohës që punonte pastruese pra për rreth 4 vite ajo ka parë e dëgjuar shumë gjëra. Ajo është shprehur se në shtëpinë e ish-zyrtares së lartë në Kryeministri dhe krahu i djathtë i ministrit të akuzuar për korrupsion vinin vazhdimisht çanta të mbushura me para që i sillnin njerëz të ndryshëm, skenë që i ngjan një pjese filmi por që në fakt është një realitet i hidhur i një Shqipërie të vogël ku zyrtarët të rangjeve të ndryshme vjedhin shumë. Por filmi vijon më tej. Pas mbërritjes në banesë thotë Dobi paratë i shpërndanim nëpër shtëpi, poshtë krevatit dhe në sirtare. Ku i gjente gjithë këto para një zyrtare e shtetit me një rrogë që nuk i kalonte 1 milionë të vjetra në muaj? Kush ia jepte apo kujt ia mbante në banesën e saj? Këto pyetje mbeten ende pa përgjigje pasi drejtësia ende nuk e ka thënë fjalën e saj të fundit.
Arrestimi i Klosit dhe “beteja” e saj me drejtësinë
Pas mbrëmjes së 4 shkurtit Alda Klosi u mor e pandehur nga Prokuroria e Tiranës, e cila ka ngritur kundër saj tre akuza: “Refuzim për deklarim, mos deklarim, fshehjen ose deklarim i rremë i pasurive, interesave private të personave të zgjedhur e nënpunësve publik, ose i çdo personi tjetër që ka detyrimin ligjor për deklarim”, “Pastrimi i produkteve të veprës penale ose të veprimatrisë kiminale” dhe “Deklarata e rreme përpara oficerit të policisë gjyqësore”. Pas arrestimit filloi dhe “beteja” e saj me drejtësinë. Masa e arrestit me burg sipas saj është e tepërt për të pasi ka jashtë fëmijët e mitur dhe duhet të kujdeset për to. Ndërkohë disa ditë më parë ajo shfaqi komplikacione në paraburgimin e burgut të grave dhe u dërgua në urgjencën e Qendrës Spitalore Universitare “Nënë Tereza” në repartin e Kardiologjisë, pasi mori vetën u dërgua sërish në burg. Sa do të jetë në gjendje Alda Klosi, ish-shefja e Kabinitetit të Ahmetaj të “durojë” kjo mbetet për tu parë pasi nuk dihet nëse ajo i ka luajtur të gjitha kartat.
Çfarë tha Ahmetaj për Klosin…
Mbrëmjen e të enjtes i ftuar në “Opinion” Arben Ahmetaj deklaroi se nuk ka asnjë informacion për arrestimin e ish-krahut të tij të djathtë dhe deklaroi se nuk ka komunikuar me të prej muajsh dhe se të vetmen telefonatë që ka pasur me të ka qenë në fillim të tetorit që e ka telefonua për ta pyetur se ku kishte filluar punë.
“Përsa i përketë Klosit, unë nuk jam që përgjegjësia është personale se ajo është fjala e fundit. Ajo ka qenë vetëm 9 muaj shefe kabineti. Lidhja ime me të është vetëm zyrtare. Unë kam folur vetëm njëherë nga fillimi i tetorit. Se i merrja të gjithë, ku keni filluar pune etj. Sot Sot ajo është para drejtësisë, uroj që ta sqaroj”, tha Ahmetaj.
Por e gjithë kjo ngjarje ngren dyshime të forta pasi arrestimi i Klosit dhe skandali i parave të gjetura në shtëpinë e saj erdhën në një kohë që dhe ish-shefi i saj Arben Ahmetaj nisi të përflitej për një korrupsion madhor siç është afera e invceneratorëve dhe gjithmonë është akuzuar për menaxhimin e parave të rindërtimit dhe favorizimeve në tendera. Ku i gjeti paratë Alda Klosi? Kush ja dha? Pse nuk e ka hapur ende Prokuroria “Kutinë e Pandores” dhe çfarë fshihet brenda saj mbeten ende pyetje jetime që askush nuk i jep dot përgjigje. Drejtësii të thojë fjalën e saj të fundit dhe mbi të gjitha të thotë të vërteten e këtyre hetime. A do të shkojë Prokuroria në detin e madh të korrupsionit dhe të kapë peshkaqenët e mëdhenj e të mos kënaqet me cironkat që i nxjerrin në breg kjo mbetet për t’u parë…/Newszone
© Nuk lejohet riprodhimi i shkrimeve pa vendosur autorësinë e “NewsZone” dhe pa cituar burimin.
