Moderatorja Katerina Trungu duke folur në emisionin “Stay Tuned” në MCN Tv me moderatoren Valbona Mhilli tha se është e vështirë të jesh femër në karrierë, por vuri në dukje se ajo ka pasur mbështetjen e duhur të bashkëshortit dhe familjes. Ndër të tjera ajo zbuloi se emri i saj i parë ka qenë Egi, por pas pagëzimit në Greqi do të mbetej Katerina, një emër që i pëlqen.
“E vështirë është. Duhet të kesh një njeri që të mbështesë, siç unë kam jo vetëm bashkëshortin, por edhe dy familjet tona, prindërit e mi dhe të Endrit. Duhet të kesh ndihmë, besim, një partner që të shtyn, të motivon, nuk të pengon. Kur punoj për revistën, nuk jam fare në shtëpi dhe një partner tipik, ndoshta do thoshte a je për shtëpinë, apo për revistën! Endri më çon, më pret, rri aty me mua. Edhe të punuarit në TV s’është gjëja më e lehtë në botë, sepse duhet të jesh super e kuruar, në një garë të fortë online, edhe të qenit personazh i ndjekur Instagrami për fat të keq po përbën vlerë për punën tonë. S’është gjëja më e lehtë, por asnjëherë e pamundur. Emri i parë s’ka qenë Katerina. Mua prindërit duke qenë se kam lindur në Greqi, më vendosën emrin Egi, dhe derisa jam pagëzuar më thërrisnin Egi, pastaj u pagëzova Katerina dhe mbeti Katerina, Egi u fshi”.
E pyetur se kush është personazhi që i pëlqen në Big Brother Vip, Trungu shprehet:
“Do s’do Big Brother-in e ndjek nga rrjetet sociale. Është fenomen. Më pëlqen shumë Luizi. Një gjë që e admiroj dhe e kam zili është vetëpërmbajtja. Në momentin që ia vunë në provë durimin banorët, ai ishte me super gjakftohtësi”.
Katerina zbulon edhe dy personazhe të njohura që nuk i kanë kthyer përgjigje kur u ka kërkuar një intervistë.
“Dojna Mema, kur i kemi shkruajtur për të patur një intervistë me gjyshen, dhe Çiljeta Xhilaga më bëri përshtypje që s’ktheu përgjigje”.
Katerina Trungu tha se do që të provojë aktrimin nëse do t’i jepet shansi, duke shtuar se po pret ndonjë ofertë për ndonjë film.
