GREQI- Një ngjarje e rëndë është regjistruar pasditen e kësaj të shtune në zonën e Volos, ku protagonist është bërë një shqiptar. Media greke diaforetiko shkruan se një shofer kamioni 45-vjeçar, me origjinë shqiptare, ka bërë manovra të rrezikshme me mjetin e tij, duke shkaktuar terror tek këmbësorët dhe drejtuesit e tjerë të mjeteve.
Sipas informacioneve, ai kishte konsumuar një sasi të madhe alkooli dhe fatkeqësisht ka rënë në një bllok trafiku. I dehuri nuk ka pranuar kontrollin e policisë, ndërsa ka kundërshtuar urdhrin për të bërë testin e alkoolit. Tashmë ai ndodhet pas hekurave.
