TIRANË- Deputetja e Partisë Demokratike Sorina Koti në emisionin ‘Stay Tuned’ në MCN TV ka komentuar lidhur me skandalin McGonigal ku është i përfshirë dhe kryeministri Rama.
Ajo tha se kjo është një çështje që na prek të gjithëve dhe jo vetëm Partinë Demokratike. Sipas saj, ka të bëjë me sigurinë kombëtare.
“Jemi munduar të shpjegojmë shumë herë se kjo është një çështje që nuk prek vetëm PD, pasi ka të bëjë me sigurinë kombëtare sepse është përfshirë kryeministri në një aferë tashmë të bërë publike kjo nga mediat ndërkombëtare. Është një çështje që nuk e kemi nxjerr ne si parti demokratike sepse jemi cilësuar se në kushtet e sherreve të brendshme të heqim mendjen nga problemet tona. Nuk është kështu ne nuk ndikojmë te SHBA, nuk ndikojmë te drejtësia amerikane apo mediat tona, çdo gjë ka ardhur nga andej dhe ne kërkojmë transparencë, kryeministri duhet të flasë, të diskutojë dhe gjithçka ti kthehet normalitetit. Por mesa duket ai nuk do tërhiqet në çdo moment sepse nisja e një hetimi në Amerikë do të thotë se çdo gjë që ai mund të thotë do i kthehet kundra, kjo është një aferë ndërkombëtare që na cenon së pari pluralizmin në Shqipëri, demokracinë e vendit dhe po nuk pati stabilitet demokratik s’mund të kemi stabilitet ekonomik dhe social.”
E pyetur nëse mund të jetë Rama i plotfuqishëm në ditët që sot flasim ajo tha se nuk mund ta thotë këtë gjë edhe nëse pak më përpara mund të ishte.
“Me gjithë këto skandale që po ndodhin, qoftë me ato të ministrave të përfshira në afera, apo me çështjen e tij personale me agjentin e FBI-së McGoinigal shpresoj se dhe ai është duke reflektuar sepse herën e fundit që e kemi parë në parlament ai nuk ka qenë në gjendjen e tij më të mirë. Dukej nga sytë e tij që është i frikësuar, do që ta fshejë këtë gjë, por nuk e mbulon dot, është një situatë që buron nga brenda gjithçka që po ndodh.”
