TIRANË– Kreu i Partisë Demokratike Sali Berisha në një takim me strukturat drejtuese të degëve 8, 9 dhe 10 në kryeqytet, të mbajtur këtë të dielë, është shprehur se korrupsioni qeveritar shqiptar me korrupsionin ndërkombëtar kanë luftuar forcën politike pro perëndimore të Shqipërisë. Ai ka shtuar më tej se opozita duhej asgjësur si pasojë e denoncimeve të bëra.
PJESË NGA FJALA E BERISHËS:
“Është e diel në darkë, kohë e papërshtatshme për takime politike, por revolucioni është i tillë, nuk njeh ditë të veçanta, apo stinë, është i vazhdueshëm deri në fitoren e tij të merituar.
Prania juaj sot këtu është dëshmi e gadishmërisë tuaj. Ndaj përzemërsisht për praninë tuaj. Por përshëndes të gjithë anëtaret e anëtarët e PD-së degëve tuaja dhe mbarë Shqipërisë.
Ne jemi në një betejë të pashembullt që nga viti 1991. Në vitin 1991 ne përmballeshim me në një monizëm të bazuar në luftën e klasave, doktorinën Marksiste-Leliniste si bazë e saj. Ne sot përjetojmë një monizëm të bazuar në krimin, sundimin e krimit, të drogës dhe korrupsionit.
Ndofta kurrë ndonjëherë në Europë nuk ka patur një zhvillim si zhvillimet e fundit në Shqipëri, ku korrupsioni qeveritar shqiptar, me korrupsionin ndërkombëtar u bënë një, për të luftuar, asgjësuar forcën politike pro perëndimore të Shqipërisë. Për të luftuar, asgjësuar forcën politike e cila në pushtet luftoi me zero tolerancë krimin, luftoi me një betejë të vendosur korrupsionin. Në opozitë vazhdoi denoncimin e të gjitha vjedhjeve, lidhjeve të qeveritarëve me krimin. Për këtë qëllim kjo forcë opozitare duhej heshtur, asgjësuar, arkivuar.”
