ELBASAN– Një ngjarje e rëndë është regjistruar pak ditë më parë në Elbasan. Raportohet se prokurori i Prokurorisë së Posaçme Kundër Korrupsionit dhe Krimit të Organizuar (SPAK) Behar Dibra dhe bashkë me një oficer të BKH janë kërcënuar nga dy vëllezër. Mësohet se ngjarja ka ndodhur në momentin kur prokurori Behar Dibra ishte duke u larguar nga Elbasani ku kishte shkuar për hetimin e atentatit të dështuar të disa ditëve më parë.
Bëhet me dije se teksa prokurori Behar Dibra largohej bashkë me një oficer të Policisë Gjyqësore të BKH dhe me shoferin e tyre në një makinë tip Honda, në afërsi të tunelit të Elbasanit, janë përballur me një makinë tjetër në të cilin lëviznin Orges Sina dhe Emirjan Sina, konkretisht 24 e 27 vjeç, lindur në Librazhd e banues në Durrës. Njëri prej tyre punon oficer sigurie i një firme private në Portin e Durrësit.
Pas ketij episodi Policia e Shtetit është duke kërkuar vëllezërit Sina, të cilët kanë thyer edhe një postbllok të ngritur në Durrës për arrestimin e tyre. Lidhur me ngjarjen e rëndë po kryhet një hetim i felluar nga organet ligjzbatuese
