TIRANË– Kryeministri Edi Rama ka publikuar këtë të martë projektin e urës që pritet të ndërtohet mbi Bunë për të lidhur Shqipërinë me Malin e Zi. Në një postim në Facebook kreu i qevrerisë shkruan se kjo urë do të bashkëfinancohet nga dy qeveritë, për të lidhur vendet tona duke shkurtuar distancën mes Velipojës e Ulqinit nga 73km në 300m. Sipas Ramës ndërtimi i saj do të ketë një impakt pozitiv në zhvillimin e turizmit dhe ekonomisë ndërkufitare.
POSTIMI I RAMËS:
MIRËMËNGJES
dhe me projektin e “Urës mbi Bunë”, një projekt i bërë gati për zbatim nga Fondi Shqiptar i Zhvillimit, i cili do të bashkëfinancohet nga dy qeveritë, për të lidhur vendet tona duke shkurtuar distancën mes Velipojës e Ulqinit nga 73km në 300m, si edhe duke i dhënë një shtysë të re lirisë së lëvizjes, turizmit dhe ekonomisë ndërkufitare, ju uroj një ditë të bukur
