VLORË– Prag tragjedie në Vlorë. Raportohet se një peshkarexhë është mbytur në ishullin e Sazanit duke rrezikur jetën e dy peshkatarëve që ndodheshin në bordin e saj. Fatmirësisht tragjedia është parandaluar pasi Roja Bregdetare ka ndërhyrë në kohë duke bërë të mundur shpëtimin e tyre.
Ata ishin duke peshkuar por për shkak të motit të keq, varka ku ndodheshin ka futur ujë dhe është mbytur. Dy peshkatarët janë transportuar menjëherë në spitalin e Vlorës ku ndodhen nën kujdesin e bluzave të bardha. Raportohet se gjendja e tyre shëndetësore është stabël dhe nuk ka rrezik për jetën.
