BELGJIKË– Ramazan Rraja, nipi i deputetit të Partisë Socialiste Rrahman Rraja është dënuar me 12 vite burg nga drejtësia belge. Mediat belge shkruajnë se Rraja do vuajë dënimin me 12 vjet burg si i dyshuar për pjesmarrje në grupin kriminal shqiptaro-letonez.
“Hetuesit kanë mundur të përcaktojnë organizimin rreth 36-vjeçarit Kaspars ‘The Boss’ N., falë pajisjeve të përgjimit që kishin vendosur në banesën e tij në Berchem. Hetuesit dëgjuan Kaspars N. dhe shqiptarin Ramazan R. duke folur për një kontejner që ndodhej në kalatën 1742. Një kontenier me banane që tashmë ishte kontrolluar nga dogana, por pa rezultat. Gjatë një kontrolli të ri, doganierët gjetën në tavan 57 kilogramësh kokainë”, shkruan media belge.
rokuroria Publike e Belgjikës e cilësoi grupin si një organizatë kriminale “të lartë” që nxirrte fitime të mëdha nga kontrabanda dhe trafikimi i kokainës. Prokuroria publike iu referua kutive të mbushura me para të drogës, fotove të drogës, konfiskimit të orëve luksoze.
